صونغات یوُلونداقئ ماشغالا

ورشونگ خاصراتلارئنئ گؤرِن نِسلینگ پاراحات دورموشئنگ غادرئنئ بیلیشی، زأحمِته ائخلاصلئلئغئ بیر باشغا. نوریاغدئ بایراموُو هِم شوُل دؤوروٌنگ یِتگینجِکلِرینینگ بیری. اوُنونگ 1938-نجی یئلئنگ 3-نجی اوگوستئندا دوٌنیأ اینِن وِ یاشان اوُباسئنا «باغشئلار اوُباسئ» دییِرمشلِر. بو آدئنگ بِریلمِگینینگ سِبأبی شوُل اوُبادا اؤکده غئجاقچئ چارئ غوربانوُو، مئللئ تأچمئراد، چارئ اؤدِک، آی مأممِت عاشئروُو یالئ اِنچِمه ذِهینلی باغشئلار اؤنوٌپ-اؤسوٌپدیرلِر. بو هِم یاشاجئق نوریاغدئنئنگ قالبئندا تورووباشدان آیدئم – ساز صونغاتئنا بوُلان اولئ هؤوِسی دؤرِدیپدیر.

نوریاغدئنئنگ دایئسئ بأشیم مِرِد توٌرکمِن دؤولِت حالق ساز غوراللارئ اوُرکسترینده  غئجاقچئ بوُلوپ ایشلِیأن دؤووٌرلِرینده  اؤز یِگِنینه ایلکینجی بوُلوپ دوتار چالماغئ اؤورِدیپدیر. بأشیم آغا 1948-نجی یئلدا عاشغاباد یِر تیترِمِسینده وِپات بوُلیار. 1953-نجی یئلدا یِدی یئللئق مِکدِبی تاماملاندان سوُنگ، نوریاغدئ اوسسات حالئپا مئللئ تأچمئرادوُو طاراپئندان یوُلباشچئلئق اِدیلیأن آیدئم-ساز غورناغئنا یازئلئپدئر. اوُقاپ یؤرِن دؤوروٌنده مِشهور سازاندا تاوغور بِردی نئیازوُو هِم نوریاغدئ بایراموُوا حالئپالئق اِدیپ، دوتارئنگ اینچه سئرلارئنئ اؤورِدیپدیر.

صاحنادا حالقئنگ اؤنگوٌنه چئقئپ آیدئم آیتماغئنگ اؤز اینچه سئرلارئ بار. نوریاغدئ بایراموُو ایلکینجی گِزِک ماغتئمغولئ پئراغئنئنگ سؤزلِرینه «دِلالات یاغشئ» دییِن آیدئمئ آیدئپدئر. هِم آیدئم آیتماق، هِم سازئنئ چالماق، شوُنونگ بیلِن بیرلیکده هِم غئجاق سِسینه غوُشولئشماق یِنگیل-یِلپأی ایش دأل.

نوریاغدئ بایراموُو زأحمِت چِکن دؤووٌرلِرینده اوسسات غئجاقچئ، ماغتئمغولئ آدئنداقئ حالقارا بایراغئنئنگ اِیِسی، توٌرکمِنیستانئنگ حالق آرتیستی دیریژیوُر هِم-ده کوُمپوُزیتوُر آنناگِلدی جوٌلگأیِو وِ بِیلِکی دؤرِدیجیلیک ایشگأرلِری بیلِن اِیران ائسلام رِسپوبلیکاسئندا، سِیله-ده  سیرییا، یوُردانییا، شوِسییا، مالتا، ژاپوُنییا یالئ دؤولِتلِرده چئقئش اِدیپدیرلِر.

واغتئنگ گِچمِگی بیلِن نوریاغدئ توٌرکمِنیستانئنگ میللی کوُنسِرواتوُرییاسئندا یاش ذِهینلی دوتارچئلار توُپارئنئنگ طالئپلارئنا دوتار موغاللئمئ بوُلوپ تألیم بِرمأگه باشلایار. توٌرکمِنیستانئنگ آد غازانان آرتیستی ارسلان آددانوُو، باغشئلار گوٌلباهار بأشیموُوا، شادوردئ بایجئکوُو، ماغتئمغولئ ماغتئمغولئیِو، چِمِن حوُمماد عؤوِضوُوا یالئ اوسسات باغشئلارا تألیم بِریپدیر. شو گوٌنکی تانئمال باغشئلار سِردار بایراموُو، مِیلیس نورگِلدییِو داغئلار هِم دوتاردا آیدئم آیتماغئ وِ ساز چالماغئ اوسسات حالئپادان اؤورِنیپدیرلِر.

نوریاغدئ بایراموُوئنگ اِنچِمه باغشئ-سازاندالارئ جِملِیأن دؤولِتلی اوُجاغئ بار. صونغاتا اؤرأن اولئ سارپا غوُییان نوریاغدئ بایراموُو آتا –بابالارئمئزئنگ «اؤورِنمِک بیر هوٌنأر، اؤورِتمِک ایکی هوٌنأر» دییِن پأهیمینه اِیِریپ، اؤز هوٌنأرینی شأگیرتلِرینه اؤورِدیأر. اوُنونگ اینیسی، توٌرکمِنیستانئنگ آد غازانان آرتیستی روٌستِم بایراموُو حأضیرکی دؤووٌرده نِبیت-گاز توُپلومئنئنگ مِدِنی-ایشه ووٌرلیک مِرکزینینگ باغشئسئ بوُلوپ ایشلِسه، اوُغوللارئندان مِردان بایراموُو مایا کولئیِوا آدئنداقئ توٌرکمِن میللی کوُنسِرواتوُرییاسئندا دوتار بوُیونچا یاش هوٌنأرمِنلِره ساپاق بِرِردی. آغتئغئ سِردار بایراموُو دانگاتار عؤوِضوُو آدئنداقئ توٌرکمِن دؤولِت یؤریته سازچئلئق مِکدِبینینگ دوتار ساز غورالئندان موغاللئم هِم اوُکوو- تِربییِچیلیک ایشلِری بوُیونچا موٌدیرینگ اوُرونباسارئ وِظیپه سینده  زأحمِت چِکیأر.

صونغات یوُلونداکئ بو باغشئ-سازاندالار ماشغالاسئنا گِلجِکده-ده  اوٌستوٌنلیکلِرینگ یار بوُلماغئنئ آرزوو اِدیأریس!

آزادئ مئرادوُو،

توٌرکمِنیستانئنگ ماغتئمغولئ آدئنداقئ

یاشلار غوراماسئنئنگ مِرکزی گِنگِشینینگ

غوراماچئلئق بؤلوٌمینینگ اِساسئ هوٌنأرمِنی.