غادئمئ هِم موٌدیمی صونغاتئمئز

اِل ایشلِرینینگ آراسئندا کشده چِکمِک دأبی آیراتئن بیر اوسساتلئغئ طالاپ اِدیأر. اِنه -مامالارئمئز اؤزلِرینینگ صونغات دِرِجه سینه یِتیرِن اِل هوٌنأرلِری بیلِن میللی لئباسلارئ بِزأپ، سوٌننألأپ تیکیپدیرلِر. کشده، کؤجوٌمه، پوغتاما، باسما، آلاجا وِ باشغا-دا بیرنأچه اِل ایشلِرینینگ گؤرنوٌشلِری بیلِن میللی اِگین-اِشیکلِریمیز خاص-دا گؤزِل گؤرکه گِلیپدیر. گِلین-غئزلارئمئز دینگه بیر توُی کؤینِکلِرینی دأل، اِیسِم گوٌندِلیک دورموشداکئ اؤی گِییملِرینی هِم اِل کشده لِری بیلِن بِزأپدیرلِر. کشده چیلیک صونغاتئ چِپِرچیلیک تاییارلئغئ، ایرگینسیزلیگی، صابئر-طاقاتلئلئغئ طالاپ اِدیپ، یاش غئزلارئنگ صونغاتا غارایئشلارئنئ کأمیللِشدیریپ، خاصییِت آیراتئنلئقلارئنئ هِم تِربییِلأپدیرلِر. توٌرکمِن میللی کشده چیلیک صونغاتئمئز اؤز گؤزباشئنئ خاص ایرکی دؤووٌرلِردِن آلئپ غایدیار. کشده چیلیک دوٌنیأده اینگ گینگدِن یایران وِ غادئمئ صونغاتلارئنگ بیریدیر. توٌرکمِن گِلین-غئزلارئ اؤز چِکن کشده لِرینینگ اوٌستی بیلِن دینگه بیر طِبیغاتئنگ گؤزِللیکلِرینی شِکیللِندیرمأن، اِیسِم اؤز آرزوو ایسلِگلِرینی، یوٌرِک-اوُوازلارئنئ هِم بِیان اِدیپدیرلِر. کشدأنی خاص نِپیس چئقارماق هِر کیمه باشارتماندئر. اوُنونگ یوُقارئ حیلی نوسغاسئنئ دؤرِتمِک، دینگه روحئ تایدان دورنوکلئ، اؤرأن اینچه دویغولئ، صابئر-طاقاتلئ زِنانلارا باشاردئپدئرلار. کشدأنینگ اوٌستی بیلِن اوُنئ دؤرِدِن زِنانئنگ خاصییِتینی هِم کسگیتلأپ بیلیپدیرلِر.گِلین-غئزلارئنگ آراسئندا کشده چِکمِک اینگنگأن اینچه ایش خاصاپلانئپ، زِنانلار اوُنگا «اینگنگه بیلِن غویئ غازان یالئ» دیییپ، اوُنونگ اؤرأن کؤپ زأحمِت طالاپ اِدیأندیگینی دوٌشوٌندیریأرلِر. حأضیرکی دؤووٌرده کشده چیلیک صونغاتئ یوردومئزئنگ أهلی کوٌنجِکلِرینده گینگدِن یایران. اوُلار صونغاتئنگ بو گؤرنوٌشی بیلِن نوسغاوئ ناغئشلارئ دؤرِدیأرلِر. کشده ناغئشلارئنئنگ آراسئندا خاص کؤپ اولانئلیان «گوُچاق» ناغشئ کشده بیلِن سوٌننألانِن اِل ایشلِرینینگ کؤپوٌسینده  اولانئلئپ، بو ناغئش دوٌرلوٌچه آدلاندئرلئپدئر. ناغئشلار حالئدا، کچِده، تاخیادا، عومومان، اِل ایشلِرینینگ کؤپوٌسینده  آیراتئنلئقدا اولانئلئپدئر. تارئخئمئزا سِر سالساق، خاص ایرکی دؤووٌرلِرده کوٌرته لِره بیر سِتیر «تِگبِنت» بیلِن «داغدان» ناغئشلارئ سالنئپدئر. اِنه  مامالارئمئز «تِگبِنت» سالئنماغئنئ تأزه ماشغالانئنگ باغتلئ دورموشئ، «داغدانئ» بوُلسا گؤزدِن دیلدِن غوراماغئ یالئ ائرئملار بیلِن باغلانئشدئرئپدئرلار. غئز دورموشا چئقاندا، اوُنگا ایکی سانئ کوٌرته تیکیلیپ، اوُلارئنگ بیری غئزئل، بِیلِکیسی بوُلسا غارامتئل یاشئل رِنگکده بوُلیارمِش. غئزئل کوٌرته گِلنینگ باشئنا توُیدان سوُنگقئ گوٌن آتئلئپ، توُی گوٌنی ائرئم اِدیلیپ، تأزه گِلنینگ باشئنا نِبِرِلِرینده  دؤولِتلی خاصاپلانیان غاررئ اِنأنینگ گِلینلیک کوٌرتِسی آتئلئپدئر. غئزئل کوٌرته گوٌندِلیک باشاتغئچ، غارامتئل یاشئل رِنگکدأکی کوٌرت بوُلسا توُیا-توُماشا گیدِنده آتئلئپ، اوُنگا قئنراق ناغئشلار سالنئپ سوٌننألِنیپدیر. مأهریبان،  عِزیز کأبِلِریمیزینگ ائنسان دورموشئنداکئ اوُرنئنئ هیچ زات بیلِن دِنگأپ، اؤلچأپ بوُلمایار. شاهئر آیتمئشلایئن، اِلی چِپِر، دیلی شِکر اِنه لِریمیز دوٌنیأنینگ اؤرکی هِم گؤرکی. اوُلارئنگ مأهری، ائخلاصئ، گؤروٌم-گؤرِلدِسی، اؤووٌت-اوٌندِوی بوُلسا پِرزِنتلِرینینگ خاصییِتلِرینه سینگیأر. بو گوٌن توٌرکمِنینگ قالبئ یالئ اوُوادان اِل کشده لِریمیز دوٌنیأنینگ ناظارئنئ اؤزوٌنده اِگلأپ، عومومئ آدامزاد غئمماتلئغئنا اؤوروٌلدی. توٌرکمِن میللی کشده چیلیک صونغاتئ یونِسکوُ-نئنگ آدامزادئنگ ماددئ دأل مِدِنی میراثئنئنگ ساناوئنا گیریزیلدی. بو بویساندئرئجئ حاقئقات زِنان دوٌنیأسینه غوُیلان اینگ اولئ باهادئر. یوردومئزئنگ زِنانلارئنئنگ دؤرِدِن غادئمئ وِ موٌدیمی میللی ناغئشلارئنئ، عومومان، مِدِنییِتیمیزی، صونغاتئمئزئ دوٌنیأ أشگأر اِدیأن توٌرکمِن حالقئنئنگ میللی لیدِری غاهرئمان آرقاداغئمئزئنگ، حوُرماتلئ پرِزیدِنتیمیز آرقاداغلئ غاهرئمان سِردارئمئزئنگ جانلارئ ساغ، عؤموٌرلِری اوزاق بوُلسون، ایل-یورت بأهبیتلی، دؤولِت أهمییِتلی ایشلِری هِمیشه روُواچ آلسئن!

سوٌلگوٌن پیرییِوا،

توٌرکمِنیستانئنگ ماغتئمغولئ آدئنداقئ

یاشلار غوراماسئنئنگ داشوُغوز وِلایاتئنئنگ

اکدِپِ اِطراپ گِنگِشینینگ بؤلوٌم موٌدیری.