بیر آدام توُقایدا گِزِلِنچه ادیپ یؤرکأ بیر آغساق تیلکأ ساتاشئپدئر. شیله یاغدایدا-دا اوُنونگ نأدیپ اؤلمأن یؤرِنلیگینه گِنگ غالئپ، تیلکأ ائمئقلئ سئن اِتمِگی یوٌرِگینه دوٌووٌپدیر. باسئم اوُل آغزئنا اوللاقان لوقما اِت آلئپ، سوٌممه توُقایدان چئقئپ گِلیأن یوُلبارسئ گؤروٌپدیر. یوُلبارس اِتدِن بیراز بؤلِگینی ایییپدیر-ده، غالانئنئ تیلکأ غوُیوپدئر.
بو یاغدایئ سئنلاپ دوران آدام گِنگ غالئپدئر وِ «اؤزوٌمی شوُل تیلکی یالئ آلئپ بارسام، یارادان اوُنونگ رئزقئنئ یِتیریشی یالئ، مِنینگِم رئزقئمئ بِرِر» دییِن نِتیجأ گِلیپدیر. اوُل آشاق اوُتورئپدئر-دا، غاراشماغا باشلاپدئر. اِسلی واغت گِچیپدیر،اِ مما اوٌیتگأن زات بوُلماندئر. آدام بارحا تاپدان دوٌشوٌپ، ِغبارلاپ باشلاپدئر. آخئرئ حالئص ائسغئندان غاچئپ، یِریندِن غالئپ بیلمِز یالئ حالا یِتِنینده، بیر اوُواز اِشیدیلیپدیر: «سِن آغساق تیلکی دأل-ده، گوٌیچلی یوُلبارس بوُلجاق بوُل. شوُندا اؤزوٌنگِم حوُر بوُلمارسئنگ، اؤزگِلِرِم حوُر اِتمِرسینگ».
“ناشئجا سوُوغاتلار” آدلئ کیتابئندان.
