Türkmenistanyň Maşat şäherindäki Baş konsullygynda «tegelek stol» duşuşygy geçirildi
توٌرکمِنیستانئنگ ماشاد شَهِریندأکی باش کُنسوللئغئندا تِگِلِک استوُل گِچیریلدی
:Sayrannews:Türkmenistanyň Eýran Yslam Respublikasynyň Maşat şäherindäki Baş konsullygynda Türkmenistanyň Halk Maslahatynyň nobatdaky mejlisiniň ähmiýetine, şeýle hem Türkmenistanyň başlangyjy bilen Birleşen Milletler Guramasynyň Baş Assambleýasy tarapyndan kabul edilen «Halkara hukugyň ýyly, 2028-nji ýyl» atly Kararnama bagyşlanan «tegelek stol» geçirildi. Bu barada Türkmenistanyň DIM-niň resmi saýtynda habar berildi.
Habarda bellenilişi ýaly, 19-njy awgustda bolan çäre sergi bilen başlandy. Onda Türkmenistanyň Prezidenti Serdar Berdimuhamedowyň, Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedowyň kitaplary, amaly-haşam we şekillendiriş sungatynyň eserleri, şeýle hem türkmen halkynyň baý taryhy-medeni mirasyny şöhlelendirýän fotosuratlar görkezildi.
«Tegelek stol» duşuşygyna türkmen diasporasynyň wekilleri, «Magtymguly adyndaky» we «Gülistan ykdysady» žurnallarynyň, «Ülkämiz» we «Sedaýe Gonbad» habarlar gulluklarynyň wekilleri, medeniýet we saglygy goraýyş ulgamlarynyň wekilleri, şeýle hem Türkmenistanyň Baş konsullygynyň işgärleri gatnaşdylar.
Çäräniň dowamynda Türkmenistanyň Garaşsyzlygynyň 35 ýyllygynyň öňüsyrasynda, 2026-njy ýylyň 23-nji sentýabrynda Aşgabat şäherinde geçiriljek Türkmenistanyň Halk Maslahatynyň nobatdaky mejlisiniň ähmiýeti bellenildi.
Duşuşygyň dowamynda Türkmenistanyň Prezidenti Serdar Berdimuhamedowyň 2028-nji ýyly Halkara hukugyň ýyly diýip yglan etmek baradaky başlangyjyna aýratyn üns berildi. Gatnaşyjylara degişli Kararnamanyň Türkmenistanyň başlangyjy bilen BMG-niň Baş Assambleýasy tarapyndan 78 döwletiň awtordaşlygynda kabul edilendigi barada maglumat berildi.
Çykyşlarda bu Kararnamanyň kabul edilmeginiň halkara hukugyny berkitmek, parahatçylygy we howpsuzlygy üpjün etmek, şeýle hem konstruktiw we deňhukukly köptaraplaýyn hyzmatdaşlygy mundan beýläk-de ösdürmek babatda möhüm ähmiýete eýedigi nygtaldy.
سایران نیوز: 2026-نجئ یئلئنگ 19-نجئ آوگوستئندا توٌرکمِنیستانئنگ ایران ائسلام رِسپوبلیکاسئنئنگ ماشاد شَهِریندأکی باش کُنسوللئغئندا توٌرکمِنیستانئنگ حالق ماصلاخاتئنئنگ نوُباتداقئ مِجلیسینینگ أهمییِتینه، شیله هِم توٌرکمِنیستانئنگ باشلانغئجئ بیلِن بیرلِشن میللِتلِر غوراماسئنئنگ باش اسسامبلِیاسئ طاراپئندان قابول اِدیلِن «حالقارا حوقوقئنئنگ یئلئ، 2028-نجی یئل» آدلئ قارارناما باغئشلانان تِگِلِک استوُل گِچیریلدی.
چأره سِرگی بیلِن باشلاندئ. سِرگیده توٌرکمِنیستانئنگ پرِزیدِنتی سِردار بِردیموخامِدُوئنگ، توٌرکمِنیستانئنگ حالق ماصلاخاتئنئنگ باشلئغئ، توٌرکمِن حالقئنئنگ میللی لیدِری غوربانغولئ بِردیموخامِدُوئنگ کیتاپلارئ، عامالئ-حاشام وِ شکیللِندیریش صونغاتئنئنگ اِثِرلِری، شیله هِم توٌرکمِن حالقئنئنگ بای تارئخئ-مِدِنی میراثئنئ شؤحلِلِندیریأن فُتوصوراتلار گؤرکِزیلدی.
تِگِلِک استوُلا توٌرکمِن دیاسپوراسئنئنگ وِکیللِری، «ماغتئمغولئ آدئنداقئ» و «گوٌلیستان ائقدئصادئ» ژورناللارئنئنگ، «اوٌلکأمیز» وِ «صِدایِ گُنبد» حابارلار غوللوقلارئنئنگ وِکیللِری، مِدِنییِت وِ ساغلئغئ غُرایئش اولغاملارئنئنگ وِکیللِری، شیله هِم توٌرکمِنیستانئنگ باش کُنسوللئگئنئنگ ایشگأرلِری غاتناشدئلار.
چأرأنینگ دُوامئندا توٌرکمِنیستانئنگ غاراشسئزلئغئنئنگ 35 یئللئغئنئنگ اؤنگوٌسئراسئندا، 2026-نجئ یئلئنگ 23-نجی سِنتیابرئنداعاشغاباد شَهِرینده گِچیریلجِک توٌرکمِنیستانئنگ حالق ماصلاخاتئنئنگ نوباتداقئ مِجلیسینینگ أهمییِتی بِللِنیلدی. مِجلیسینگ دُوامئندا غاراشسئز وِ هِمیشه لیک بی طاراپ توٌرکمِنیستانئنگ ایچِری وِ داشارئ سئیاساتئنئ اؤسدوٌرمِکده غازانئلان اوٌستوٌنلیکلِرینگ جِملِرینینگ جِملِنیلجِکدیگی، شیله هِم یوردونگ موندان بِیلأککی اؤسوٌشینینگ اوزاق مؤهلِتلِیین ایلِری توتولیان اوغورلارئنئنگ کِسگیتلِنجِکدیگی نئغتالدئ.
تِگِلِک استوُلونگ دُوامئندا توٌرکمِنیستانئنگ پرِزیدِنتی سِردار بِردیموخامِدُوئنگ 2028-نجی یئلئ حالقارا حوقوقئنئنگ یئلئ دیییپ ائغلان اِتمِک باراداقئ باشلانغئجئنا آیراتئن اوٌنس بِریلدی. غاتناشئجئلارا دِگیشلی قارارنامانئنگ توٌرکمِنیستانئنگ باشلانغئجئ بیلِن ب.م.گ-نینگ باش اسسامبلِیاسئ طاراپئندان 78 دؤولِتینگ اوتُرداشلئغئندا قابول اِدیلِندیگی بارادا ماغلومات بِریلدی. مونونگ اؤزی بو باشلانغئجئنگ حالقارا دِرِجِسینده گینگدِن غولدانئلیاندئغئنئنگ آیدئنگ ثوبوتناماسئ حؤکموٌنده بِللِنیلدی.
چئقئشلاردا بو قارارنامانئنگ قابول اِدیلمِگینینگ حالقارا حوقوقئنئ بِرکیتمِک، پاراخاتچئلئغئ وِ خُوپسوزلئغئ اوٌپجوٌن اِتمِک، شیله هِم کونستروکتیو وِ دِنگ حوقوقلئ کؤپ طاراپلایئن حئذماتداشلئغئ موندان بِیلأک-ده اؤسدوٌرمِک باباتدا مؤهوٌم أهمییِته اِیِدیگی نئغتالدئ.
چأرأنینگ آخئرئندا توٌرکمِنیستانئنگ پاراخاتچئلئق سؤیوٌجیلیکلی باشلانگئچلارئنئ حالقارا گینگیشلیگینده اؤنگه سوٌرمِک وِ اوُلارئنگ أهمییِتینی یوُقارلاندئرماق بیلِن باغلئ مِسِله لِر بُیونچا پیکیر آلشئلدئ./ تاییارلان صفرقلی کوچکی
