مِدِنی میراث – حالقئنگ روحئ بایلئغئ

حوُرماتلئ پرِزیدِنتیمیزینگ عئلمئ تاغلئماتئ اِساسئندا یوردومئزئنگ عئلئم اولغامئنئ دوٌنیأ اؤلچِگلِرینه لایئقلئقدا کأمیللِشدیرمأگه، جِمغئیِتیمیزینگ انگ-بیلیم دِرِجه سینی یوُقارلاندئرماغا وِ حالقارا حئزماتداشلئغئنئ اؤسدوٌرمِک اوٌچین ائغتئبارلئ بینیات بوُلوپ حئزمات اِدیأن تارئخئمئزئ، مِدِنییِتیمیزی، صونغاتئمئزئ، اِنه دیلیمیزی، اِدِبییاتئمئزئ دوٌیپلی اؤورِنمأگه، حالقئمئزئنگ میللی مِدِنی میراثئنئ غوُراپ ساقلاماغا، اوُنونگ چونگ مانئ-ماضمونئنئ دوٌنیأ یایماغا هِم-ده گِلجِککی نِسیللِره یِتیرمأگه دؤولِت دِرِجه سینده  آیراتئن اوٌنس بِریلیأر.

مِدِنی میراث – گِچمیشدِن گِلجِگه اوزاپ گیدیأن بِییک کؤپروٌدیر. اوُل حالقئنگ تارئخئنئ، دأپ-دِسسورلارئنئ، دؤرِدیجیلیگینی وِ روحئ بایلئغئنئ اؤزوٌنده جِملأپ، نِسیللِرینگ آراسئندا بیتِوی غاتناشئقلارئ دؤرِدیأر. مِدِنی میراث دینگه بیر صونغاتئنگ یا-دا غادئمئ یادئگأرلیکلِرینگ توُپلومئ بوُلمان، اِیسِم، میللِتیمیزینگ میللی یؤرِلگِلِرینینگ، دورموش پِلسِپِسینینگ، پیکیرلِنیشینینگ وِ دؤرِدیجیلیک گوٌیجوٌنینگ آیدئنگ بِیانئدئر.

حأضیرکی واغتدا توٌرکمِنینگ تارئخئندا مِدِنییِتینگ أهلی اوغورلارئندا عِمِله گِلِن کأمیل دِرِجه لی میراثئ اؤورِنیلیپ، تأزه بِلِنتلیکلِره چئقارئلیار. حالق دؤرِدیجیلیگی، آیدئم-ساز صونغاتئ، چِپِر وِ صونغات اِثِرلِری، مِدِنی دورموشئنگ بینالارئ، عومومان، روحئ وِ ماددئ غئمماتلئقلارئمئزئنگ أهلیسی دؤوروٌنگ وِ دؤولِتینگ ؤسوٌشینه قووواتلئ یتِرگی بِریأر. مِدِنییِتینگ وِ صونغاتئنگ، اِدِبییاتئنگ غئمماتلئقلارئ حالقئمئزدا اؤسوٌشینگ تأزه بِلِنتلیکلِرینه طاراپ حئجوولئ حِرِکت اِتمِگینه شِرط دؤرِدیأر.

هِر بیر حالقئنگ مِدِنی میراثئ اوُنونگ شاخصئیِتینی، دوٌنیأ جِمغئیِتچیلیگیندأکی اوُرنونئ گؤرکزیأر. غادئمئ بیناگأرلیک یادئگأرلیکلِری، آرحِوُلوُگیک تاپئندئلار، فوُلکلوُر، ساز وِ تانس صونغاتئ، میللی دأپ-دِسسورلار – بولارئنگ أهلیسی حالقئنگ روحئ بایلئغئنئنگ آیرئلماز بؤلِگیدیر. اوُلارئ غوُراپ ساقلاماق حالقئنگ تارئخئنگ اؤنگوٌندأکی بوُرجئ بوُلوپ دوریار. حأضیرکی دؤووٌرده دوٌنیأنینگ کؤپ یورتلارئندا مِدِنی میراثئ غوُراپ ساقلاماق اولئ أهمییِت بِریلیأن مِسِلِلِرینگ بیریدیر. حالقلارئنگ میللی آیراتئنلئقلارئنئ، تارئخئ وِ مِدِنی کؤکلِرینی غوراماق، تأزه نِسیللِره  یِتیرمِک دینگه بیر مِدِنی تایدان دأل، اِیسِم، سئیاسئ وِ ائقدئصادئ تایدان هِم مؤهوٌم حاساپلانیار. شوُل سِبأپلی یونِسکوُ یالئ حالقارا غورامالار مِدِنی میراثئنگ غوُراغلئلئغئنئ اوٌپجوٌن اِتمِک بوُیونچا گینگ مؤچبِرلی ایشلِری آلئپ باریارلار.

مِدِنی میراثئ اؤورِنمِک وِ غوُراپ ساقلاماق گِلجِک نِسیللِرینگ روحئ تایدان کأمیللِشمِگینده  مؤهوٌم أهمییِته اِیِدیر. اوُل یاشلارئ واطانچئلئق، سؤیگی، دؤرِدیجیلیک وِ جِمغئیِتچیلیک جوُغاپکأرچیلیک یالئ یوُقارئ روحئ غئمماتلئقلارا اوغروقدئریار. مِدِنی میراثئنگ دوُواملئلئغئ حالقئنگ بِییک تارئخئنئنگ وِ میللی شاخصئیِتینینگ ساقلانئپ غالماغئنئنگ قپیلیدیر.

آخمات غئشئقوُو،

توٌرکمِنیستانئنگ ماغتئمغولئ آدئنداقئ یاشلار غوراماسئنئنگ

آرقاداغ شأهِرینینگ گِنگِشینینگ عومومئ بؤلوٌمینینگ موٌدیری.